Чукул кырдаалдар министрлигинен билдиришкендей, 19-21-февраль күндөрү күтүлүп жаткан жаан-чачынга байланыштуу Кыргызстандын тоолуу райондорунда, тоолуу жолдорунда кар көчкү түшүүсү мүмкүн. Көчкү түшүү ыктымалдуулугу өзгөчө Бишкек-Ош (121-137, 198-265 км), Ала-Бука-Канышкия (62-100км), Каракулжа-Алайкуу (45-90, 145-150 км) жана Каракол-Эңилчек (45-90 км) жолдорунда жогору болот. Мындан улам унаалардын ортосунда эң аз 500 метр аралыкты сактоо сунуш кылынат. (KKs)
