Йемендин борбор калаасында 3 миңге чукул студент көчө акциясына чыкты

Санаада көчөгө чыкандар өлкөнү 32 жылдан бери башкарып келаткан президент Али Абдулла Салехтин кызматтан кетишин талап кылышты. Кечээ президенттин колдоочулары жана полиция өкмөттүн оппоненттери менен кагылышып, 5 демонстрант жарадар болгон. Күбөлөрдүн ырастоосунда, бир демонстрант атып өлтүрүлгөн. Бирок ички иштер министрлиги мындай маалыматты чекте кагууда.

Жума күнү нааразылык акциясына катышкан 5 киши окко учкан. Өлкөдө сепаратисттик маанай да өкүм сүргөнүн айта кетүү абзел. Эки Йемен 1990-жылы расмий бириккени менен, мунайга бай түштүктүн өкүлдөрү түндүктөгүлөр табигый ресурастарды басып алып, аларды дискриминациялап жатат дешүүдө.