22-февралда Москвадагы Сүрөтчүлөрдүн борбордук үйүндө Кыргыз эл сүрөтчүсү Буласбек Шералиевдин көргөзмөсү ачылды. Көргөзмөгө сүрөтчүнүн Орусиянын Москва, Кострама, Суздаль, Ростов шаарларында тарткан сүрөттөрү, Ысык-Көл, Баткен, Нарын өрөөнүндөгү жаратылышты чагылдырган жүзгө чукул чыгармалары коюлду. Бул иш-чараны Кыргызстандын Орусиядагы элчилиги кыргыз-орус түбөлүк достук декларациясынын 10 жылдыгын утурлай уюштуруп жатат. (EBM)