Ливиянын жол башчысы Муаммар Каддафи "ал-Кайида" террордук тобунун башчысын өз өлкөсүндөгү элдик көтөрүлүш үчүн айыптады. Сыналгыдан түз эфирден сүйлөдү деп айтылган программада Каддафи толкундоолордо көз жумгандардын жакындарына көңүл айтып, аларды "Ливиянын уул-кыздары" деп атады. Каддафи өкмөттүк аскерлер менен согушуп жаткан батыштагы Завия шаарынын тургундарын "галлюцинациялык" дары-дармек ичип алышкандар деп сыпаттады.