Кабарларга караганда, куралдуу козголоңчулар бүгүн борбор Триполиден 50 чакырымдай аралыктагы Завия шаарына көзөмөл орнотту. Маалыматтарда өкмөткө каршы күчтөр бул жерде “Каддафи кет”, “Бул биздин ыңкылап” деп ураан чакырып жатышканы айтылат. Каддафинин каршылаштары буга чейин Ливиянын чыгыш бөлүгүн ээлешкен болчу. Ал эми борбор Триполи али өкмөтчүл күчтөрдүн колунда кала берүүдө.
