Франция: Министр Алио-Мари кызматтан кетти

Мишел Алио-Мари 3 ай тышкы иштер министри болгондон кийин Тунистин кулаган президенти Бен Али менен байланышы үчүн сынга кабылып, кызматтан кетти.

Алио-Мари Туниске бекер сапар жасаганы, аны болсо мурдагы президент Бен Алиге жакын ишкер уюштурганы ачыкка чыгып, Францияда катуу талкуу жараткан. Тунисте элдик толкундоо күч алганда, Алио-Мари француз өкмөтүнө Тунис бийлигине демонстрацияларды басууга кеп-кеңеш берүү сунушун айткан.