Британиянын “Санди Таймс”(Sunday Times) басылмасы ливиялык козголоңчулар британ жоокерлерин кармап алышканын жазып чыкты. Гезиттин жазышынча, атайын күчтөрдүн сегиз чакты аскери Каддафига каршы көтөрүлгөн күчтөр менен байланыш түзгөнү бараткан орто даражалуу британиялык дипломатты күзөтүп бараткан экен. Алар азыр гезиттин жазышынча, Бенгазиде эрегишчилердин колунда кармалууда. Бул кабарды Британиянын коргоо министрлиги не тана, не ырастай элек.
