АКШ администрациясы америкалык мусулмандардын экстремизм менен күрөшүүдөгү жардамын кубаттайт жана “ал-Каида” колдонгон бузуку идеологияга сокку урууда колдоо көргөзүүгө чакырат. Бул тууралуу АКШ президентинин Улуттук коопсуздук боюнча кеңешчисинин орун басары Дэнис Макдонах Түндүк Виржиния мечитинде, диндер ортосундагы проблемаларга арналган форумда билдирди. Ал ошондой эле федералдык өкмөт коомду америкалык мусулмандар жөнүндөгү жалган түшүнүктөрдөн арылтуунун үстүнө иштеп жаткандыгын кошумчалады.
