АКШнын Мамкатчысынын жолугушуусу Парижде өтмөкчү. Козголоңчу күчтөр Ливиянын аба мейкиндигин жабууга үндөп жатышат. Мындай сунушту Араб лигасы да билдирген. Бүгүн-эртең "Чоң сегиздин" тышкы иштер министрлеринин жыйынында да Ливиядагы абал талууланмакчы. Буга чейин АКШ менен Евробиримдик ливиялык лидер Муаммар Каддафини бийликтен кетүүгө чакырышкан эле. Бирок кечээ Каддафини колдогон күчтөр авиациянын жардамы менен Брега портунан козголоңчуларды сүрүп чыгарышканы кабарланды.
