Кыргызстанда былтыр бруцеллез менен ооруган 4 миңге чукул адам катталган. Айыл чарба министрлигинин ветеринардык департаментинин жетекчиси Кудайберди Мамыралиевдин билдиришинче, бул мурдагы жылга салыштырмалуу 350гө көп. Анын айтымында, малдан жуккан бул оору менен жабыркагандар Нарында азайды, бирок Жалал-Абад жана Баткенде тескерисинче көбөйгөнү байкалууда. (EBM)
