Йемендин коопсуздук күчтөрү өлкө батышындагы ал-Хадайда порт-шаарындагы анти-өкмөттүк демонстрацияны таркатуу үчүн көздөн жаш агызчу газ колдонду жана асманга ок атты. Күбөлөрдүн сөзүнчө, полиция жагдайга өкмөтчүл топтор демонстранттарды таяктар менен сабап, таш бараңга алганда гана кийлигишкен. Йеменди 32 жылдан бери башкарган Али Абдулла Салинин президенттигине каршы нааразылык башталгандан бери 40тан ашуун адамдын каны төгүлдү.
