Украиналык мугалимдер эл агартуу тармагына акчаны азайтууга каршы

Украин өкмөтүнүн билим берүү тармагына бөлүнгөн каражатты кыскартуу планына каршы өлкө байтакты Киевде алты миңден ашуун мугалим демонстрацияга чыкты. Жүздөгөн мугалим негизинен өкмөттүк кызматкерлер жумушчу барчу жолду он мүнөттөй бууп, полициянын кысымы астында гана ачты.

Кечээ да Киевде премьер-министр Микола Азаровдун өкмөттүк дефицитти мектептердин эсебинен кыскартуу планына каршы демонстрация өткөн.
Эл аралык валюта фонду Украинанын бюджеттик тартыштыгы кыскартылмайынча кошумча насыя бербесин мурда билдирген.