Ак Үй Карзайдын билдирүүсүн кубаттады

Кошмо Штаттары Ооган армиясы айрым вилайеттердеги коопсуздукту камсыздоону ушул жайда өзүнө өткөрүп алат деген президент Хамид Карзайдын билдирүүсүн кубаттады. Мамлекеттик катчы Хиллари Клинтон “оогандар өз келечеги - коопсуздукту камсыздоо, башкаруу системасын өнүктүрүү, жаңжалды саясий жолдор менен чечүү үчүн жоопкерчиликти өздөрүнө алууга тийиш деп көптөн бери айтып келатабыз” деди. Анын алдында Карзай июл айынан тарта НАТО жетектеген эл аралык күчтөрдөн жергиликтүү армиянын карамагына өктөрүлүп бере турган 7 чөлкөмдү атаган эле.