Айрым өлкөлөр Жапониядан келчү азык-түлүктү чектеди

Орусия Жапониянын Ганма, Фукусима, Чиба, Ибараки, Нагано жана Точиги префектураларынан азык-түлүк алып келүүгө тыюу салгандыгын билдирди.

Буга чейин Жапониянын саламаттык сактоо министри бул аймактарда өндүрүлгөн сүт жана жашылча-жемиштерде радиациялык уулануу жогору экендигин маалымдаган. АКШ, Австралия жана Канада Жапониянын жогорудагы аталган аймактарында өндүрүлгөн тамак-ашка чектөө койду.