БУУ Сириядагы кырдаалга тынчсызданууда

Сириянын түштүгүндөгү Дараа шаарында өкмөттүк күчтөр ондогон бейкүнөө адамдарды набыт кылгандыгы тууралуу маалыматтан кийин Улуттар Уюму билдирүү таратты. Сириялык бийликтер өткөн аптада берген убадасына карабастан, эл аралык гуманитардык миссияларга Дараа шаарына кирүүгө уруксаат бербей турат. Улуттар Уюму качкындарга дары-дармек жагынан көмөк жеткире албай жаткандыгын билдирди.

Дараа шаары эки апта мурун өкмөттүк күчтөр демонстранттарды басууга киргенден бери тышкы дүйнө менен байланыштан ажыраган.