Бул тууралуу Өзгөчө кырдаалдар министрлигинин басма сөз кызматкери Абдишарип Бекилов “Азаттыкка” билдирди. Анын айтымында көчкү астында калган адамдын аты-жөнү такталды. 1954-жылы туулган маркум Анарбай Шаршеновдун сөөгүн Токтогул районундагы куткаруу кызматындагылар бүгүн эртең менен табышкан. Жалал-Абад облусунун Токтогул районунда кечээ түштөн кийин Бишкек-Ош унаа жолунун 261-чакырымында жер көчтү. Учурда Өзгөчө кырдаалдар министрлиги көчкү жүргөн жерден адамдарды эвакуциялап, окуя болгон жерде тазалоо иштерин жүргүзүүдө. (EK)
