Индиянын премьер-министри Манмохан Сингх Кабулга эки күндүк сапар менен бүгүн барган. Өкмөт башчы бүгүнкү сүйлөшүү учурунда Индиянын эли Ооганстандын талиптер менен тынчтыкка жетишүү сүйлөшүүлөрүн “колдойт” деп билдирди. Андан сырткары, Сингх анын өлкөсү Ооганстанды кайра курууга да жардам берээрин айтты. Индия – Ооганстанга каржылык колдоо көрсөткөн эң башкы донорлордун бири. Өлкөдө 2001-жылы талиптер бийликтен кулатынгандан бери расмий Дели 1,3 млрд.долларга тете колдоо көрсөткөн.
