“Замандаш” партиясы жаңы саясий кеңешин шайлады

Партия лидери Мухтарбек Өмүракуновдун өлүмүнөн кийин партия кезексиз VI курултайын чакырып, анда “Замандаштын” жаңы саясий кеңеши шайланды. Партияда төрага орун басарлары болуп Станислав Епифанцев, Таалай Сагынов жана Сапар Асанов тандалды. Партия аты – “Замандаш –Современник” деп өзгөртүлүп, жакынкы күндөрү каттоодон кайра өткөнү турат. Партия курамында учурда 200 миң мүчө бар. Бул тууралуу бүгүн Бишкекте партия мүчөлөрү уюштурган маалымат жыйынында айтылды.

"Замандаштын" лидери Мухтарбек Өмүракунов 30-апрелде Кубага эс алганы барып, бөөдө кырсыктан каза тапкан. (EK)