Дмитрий Медведев бул тууралуу бүгүн президенттикке келгенден берки алгачкы ири маалымат жыйыны учурунда билдирди. Орус президенти белгилегендей, экинчи мөөнөт боюнча чечимди айтуу азырынча эртелик кылат. Президент Медведевдин саясий устаты, премьер-министр Владимир Путин буга чейин келерки жылдын мартында өтүүчү шайлоого экөөсүнүн бир катышарын ишара кылган. Орус президентинин бүгүнкү конференциясына 800дөн ашуун журналист чогулду.