Казакстан Ооганстандагы НАТО башындагы эл аралык күчтөргө өз аскерлерин жөнөтөт. Мындай мыйзамды Казак парламенти 18-майда бекитти. Ага ылайык, казак аскерлери Ооганстандагы Эл аралык коопсуздукту камсыздоо күчтөрүнүн курамына алты айлык мөөнөт менен жөнөтүлөт. Мыйзамда жөнөтүлчү аскердин саны жана качан жөнөтүлөрү көрсөтүлгөн эмес. Ошентип Казакстан Борбор Азия мамлекеттеринен Ооганстанга биринчи болуп аскер жөнөтмөкчү.
