Жапония экономикасынын өсүшү кайрадан солгундады. Өкмөттүн маалыматына караганда, биринчи кварталда ички дүң продукту 0,9 процентти түзгөн. Адатта рецессия жөнүндө экономика 2 квартал катары менен төмөндөгөндө сөз кылышат. Жапония банкы жылдын экинчи жарымынан баштап экономика бир аз алга жылаарын болжогону менен, прогресс күтүлгөндөн алда канча жай болмокчу. Экономиканын төмөндөөсүнө 11-марттагы жер титирөө менен цунаминин кесепеттери алып келди. Табигый кырсык 15 миңден ашуун кишинин өмүрүн алып кетти, он миңдегени үй-жайсыз калды. Токио өкмөтү экономикалык чыгымдарды 300 миллиард долларга баалоодо. Дүйнөлүк банктын эсептери боюнча өлкөнү толугу менен калыбына келтирүү үчүн дагы 5 жыл кетет.
