Түркияда жума күнгө оогон түнү жер титиреп, анда кеминде 4 киши мерт болуп, ондогон адамдар жарат алганы кабарланды. Силкинүүнүн очогу Кутахя облусундагы Симав шаарында катталып, ал 5,9 баллга жеткен. Кызыл чырым коомунун маалыматына караганда шаарда бир нече турак-жай, анын ичинде мечит талкаланган. Жарыксыз жана байланышсыз калган симавдыктарга биринчи жардамдар көрсөтүлүп жатканы айтылууда. Силкинүүнүн илеби Стамбул жана ага жамаатташ бир катар шаарларга чейин жеткен.
