АКШ президенти Барак Обаманы жана зайыбы Мишелди бүгүн Лондондо Улуу Британия менен Түндүк Ирландиянын падышасы Елизавета II кабыл алат. Исландияда ишемби күнү жарылган жанар тоонун күлү асманды каптайт деген чочулоодон улам Барак Обама Ирландиядан Лондонго дүйшөмбү күнү учуп келген. Обама жана британ премьер-министри Дэвид Кэмерон “Таймс” журналына жарыяланган орток макалада эки өлкөнүн алакасы “биз үчүн, ошондой эле дүйнө үчүн маанилүү” деп белгиленет. Обама жана Кэмерон эртең шаршемби күнү жолугушат.
