Пакистанда жанкечтинин чабуулунан эки полициячы каза тапты

Унаа айдаган жанкечти жардырууну Пешевар шаарынын полиция бекетинде жасаган. "Талибан" кыймылы жоопкерчилик алган бул кол салуудан эки полиция кызматкери мерт кетип, дагы он экиси жарадар болду.

Мындан эки күн мурда Карачи шаарында аскер-деңиз базасына кол салынганда он аскер кызматчысы каза тапкан, эки учак керектен чыгарылган.

Пакистандык талибдер бул кол салууну “ал-Кайиданын” лидери Усама бин Ладендин өлүмү үчүн өч алуу максатында жасашканын билдиришкен.