Обама менен Кэмерон эл аралык коопсуздукту талкуулайт

Бүгүн АКШ президенти менен Британ премьер-министри Ооганстан, Ливияда НАТОнун аба операцияларын жана Жакынкы Чыгыштагы элдик көтөрүлүштөрдү талкуулайт. Эки өлкө лидерлеринин биргелешкен маалымат жыйынында Обама “АКШ-Британия мамилеси мурда болуп көрбөгөндөй жакшы нукта өнүгүп жаткандыгын” айтты.

Бүгүн түштөн кийин Барак Обама Британ парламентинде сөз сүйлөйт. Бейшембиде АКШ президенти жубайы экөө Британ канышасы Элизабет II менен сыйлуу тамакка отурат.