Бишкек мэриясы Минск унаа заводу менен иштешүүгө даяр

Бүгүн Бишкек мэринин орун басарлары Төрөбек Имашев жана Вячеслав Красиенко Беларустун Минскте жайгашкан “МАЗ” унаа заводунун жетекчилери менен жолугушту. Мэриянын маалымат кызматы жүргүнчүлөрдү жана жүк ташуучу унаа, коммуналдык техникаларды алып келүү боюнча сүйлөшүү жүргөнүн кабарлады. Бишкек жетекчилери аталган завод менен кызматташууга даяр экенин билдиришти. Эки тарап сунуштарды карап чыкмакчы.

Маалыматка ылайык, Бишкекке 2010-жылы "МАЗ" заводунан 15 таштанды жыйноочу, 10 сугаруучу унаа алынып келинген. (КЕ)