Босниялык сербдердин мурдагы армия башчысы Младичтен ага тагылып жаткан айыптарды моюнга алар-албасын сурашат. Аны 1992-95-жылдардагы согуш учурундагы тукум куруп, согуш кылмыштары үчүн айыптап жатышат. Ал Сребреницада 8 миңдей мусулман эркекти кырган деп да күнөөлөнүүдө. Бул арада Младич эки жыл мурда Белградда жашыруун түрдө рак оорусунан дарыланганы белгилүү болду. Муну анын адвокаты айтты. Бирок адвокат оорукананы да, Ратко Младичти караган догдурлардын аттарын да ачыктоодон баш тартты. Прокурорлор болсо адвокат көрсөткөн документтерди “жасалма” деп табышты.
