Жогорку Кеңеш бүгүнкү отурумунда июнь коогалаңын иликтеген депутаттык комиссиянын корутундусун талкуулоону улантат. Кечээки талкууда аталган комиссиянын төрагасы Токон Мамытов депутаттардын суроолоруна жооп берип жатып тополоңду уюштурууда мурунку депутат, Жалал-Абаддагы өзбек маданий борборунун жетекчиси Кадыржан Батыровдун салымы чоң деп белгиледи. Бийликтен кулаган экс-президент Курманбек Бакиев жана анын жакындары, кылмыштуу топтор шыкакчы болгонун айтты. Талкууга президент Роза Отунбаева, премьер-министр Алмазбек Атамбаев баштаган өкмөт мүчөлөрү жана Убактылуу өкмөттүн мүчөлөрү да катышты. (EBM)