Өлкөнүн ядролук иштер боюнча башкы өкүлү бул тууралуу бүгүн билдирип, ага мамлекет өзүнүн уранды байытуу иши Натанцтан башка жерге көчүрүлгөндө жетишээрин кошумчалады. Ферейдун Аббаси-Давани жалпы иштердин 20% быйылдан тарта Тегерандын түштүк-батышындагы Фордо деп аталган жаңы комплексте өткөрүлө баштаарын айтты. Франциянын тышкы иштер министрлигинин өкүлү Ирандын планын “провокация” деп атап, Тегеранды кайра-кайра эл аралык мыйзамдарды бузуп жатканы үчүн айыптады.
