“Жарандар коррупцияга каршы” укук коргоо борбору кечээ парламент кабыл алган КТРК жана анын Байкоочу кеңеши жөнүндө мыйзамды сындаган билдирүү таратты. Анда КТРК тууралуу мыйзамды кабыл алууда ал жөнүндө коомчулукта жүрүп жаткан талкууга көңүл бурулбаганы, медиа адистер пикири эске алынбаганы жазылган. Жогорку Кеңештин мыйзамды экинчи, үчүнчү окууда дароо кабыл алганы шашылыш аракет катары сыпатталган. Уюмдун жетекчиси Төлөкан Исмаилова мындай маанайдагы кайрылуусун президент Роза Отунбаеванын атына жөнөттү. (KKs)
