13 жылга түрмөгө кесилген мурдагы олигарх Михаил Ходорковский, айрым кабарларга караганда, жаза мөөнөтүн Орусиянын түндүгүндөгү Карелияда өтөйт. Ходорковский жана анын бизнес шериги Платон Лебедев 2003-жылдан бери мунайды уурдаган жана салык төлөөдөн качкан деген айып менен камакта отурушат. Былтыр декабрда дагы бир иш боюнча айыптуу деп табылган. Финляндия менен чек арага жакын жерде орун алган Карелия ызгардуу кышы менен белгилүү.
