Жалал-Абадга Орусиядан 80 куб метр кесилген тактай гуманитардык жардам келди. Жакынкы күндөрү дагы тактай жиберилет. Ош жана Жалал-Абад шаарларын калыбына келтирүү дирекциясынын билдиришинче, Орусия коогадан жабыркаган түштүккө жалпысынан 5 миллион доллар жардам бергени жатат. Ушул жылдын апрель айынын башында дирекциянын жетекчиси Жантөрө Сатыбалдиев Москвада иш сапарда болуп, орус бийлик өкүлдөрү менен гуманитардык жардам алуу маселелерин талкуулаган болчу. (EBM)
