Пакистандык талиптер кыймылы жардырууларга аял жанкечти катышаарын биринчи жолу мойнуна алды. Ишемби күнү аялы-күйөөсү биргелешип Дера-Исмаил-Хан шаарындагы полиция бөлүмүн жардырып, анда 10 киши мерт болгон. Жардырууга аялдын катышуусун талиптер бийликти жек көрүү сезими деп түшүндүрдү. "Ассошейтед пресс" агенттигинин жазганына караганда, алар адегенде мекемеге граната ыргытып, автомат менен аткылап, анан имараттын ичине кирип, өздөрүн жардырып ийишкен.
