Бүгүн Бишкекте “Кыргызстандын жаңы шартында аялдардын саясий жана экономикалык укуктарын илгерилетүүгө” арналган долбоордун бет ачаары болду. Үч жылга белгиленген бул долбоорду “Аялдарга жардам берүү” коомдук фонду менен “Ишкер аялдарды коргоо” бирикмеси ишке ашырууда. Анын алкагында жер-жерлердеги бейөкмөт уюмдар аялдардын укуктарына байланышкан абалды иликтеп, ар кандай окууларды өткөрүшмөкчү. Долбоорду Бириккен Улуттар Уюмунун гендердик теңчиликти колдоо фонду каржылап жатат. (EBM)
