БУУ: Чыгыш Африкада 15% балага тамак-аш жетишсиз

Чыгыш Африкада кургакчылыктын айынан 9 миллионго чукул адам тамак-ашка зар болууда. Бириккен Улуттар уюмунун гуманитардык жардам көрсөтүү боюнча мекемесинин өкүлү бир катар өлкөлөрдө 15 пайызга чукул бала күндөлүк керектелчү тамак-аштын жоктугунан жабыр тартып жатканын билдирет.

Аталган мекеменин өкүлү Элизабет Бирс Женевада журналисттерге азык-түлүктүн жетишсиздигинен адамдар Сомалиден Кенияга агылып жаткандыгын айтты.