“Эркин Европа/Азаттык” радиосунун Минск шаарындагы кабарчысынын билдиргенине караганда, өкмөткө каршы демонстрацияга катышуу үчүн беларус борборунда жүздөгөн адам жыйналган. “Весна” деген укук коргоо уюмунун эсебинде, полиция жүздөн ашуун адамды камакка алды. “Ассошейтед пресс” агенттиги демонстранттарга каршы күч колдонулгандыгын кабарлады. Советтер союзу кыйрагандан берки эң оор экономикалык кризисти баштан кечирип жаткан Беларуста азыр элдин өкмөткө болгон нааразылыгы күчөөдө.
