Жогорку Кеңештин төрагасы Ахматбек Келдибеков бешинчи чакырылыштагы парламенттин алгачкы алты айлык сессиясынын жыйынтыктары тууралуу журналисттерге маалымат берип, алты айлык иш жемиштүү болгонун белгиледи. Анын айтымында, Жогорку Кеңеш 2010-жылдын 10-ноябрынан бери 52 отурум өткөрүп, жалпысынан 219 мыйзам долбоорун карап чыккан. Келдибеков бул мөөнөт ичинде мыйзамдардын көбү Конституцияга төп келтирилгенин, алты ай ичинде буга чейинки чакырылыштарга салыштырмалуу керектүү жана сапаттуу мыйзамдар кабыл алынганын ачыктады. (KKs)
