Бириккен улуттар уюмунун Аялдар корунун алгачкы баяндамасында айтылгандарга караганда, жалпысынан дүйнөдө аялдардын абалы оор бойдон калууда. Дүйнөдө иштеген аялдардын жарымынан көбү оор жумуштарга тартылган, көбүнчө укуктары мыйзам тарабынан корголбойт. 600 млн.дой аял үй-бүлөдөгү зордук-зомбулук кылмыш деп эсептелбеген өлкөлөрдө жашайт. Парламенттеринде депутаттардын 30% аялдар түзгөн болгону 28 эле мамлекет бар экени айтылды. Бул баяндамада Кыргызстан менен Пакистан аялдарга мыйзамый колдоо көрсөтүп жатканы үчүн мактоого алынышты. (TD)
