НАТО күчтөрү жаңылыш аба соккусунан Ооганстанда жай тургундар бөөдө өлүмгө кабылганын мойнуна алды. Коопсуздук күчтөрүнүң маалыматына караганда Хост аймагындагы абадан урулган соккуда бир катар согушкерлер жана алардын үй-бүлө мүчөлөрү жан таслим болгон. Ооган бийлиги аба соккусунда 11 жай адам өлдү деп маалымдады. Шаршембиде жүздөгөн адам нааразылык акциясына чыгып, чет элдик аскер күчтөрүнүн аба соккусунан Газни провинциясында эки чабан бөөдө өлдү деген доомат коюшкан.
