Түркмөн өкмөтү орус телеканалын Абадан жарылуусун чагылдыруу боюнча сындады

“Жарылууда көптөгөн адамдар жабыркаганы тууралуу кабар чындыкка жатпайт” деп айтылат министрликтин бүгүнкү билдирүүсүндө.
Сөз “Россия” телеканалынын кабары тууралуу айтылганы да кошумчаланды. Ушул аптанын жума күнү баш калаа Ашгабаддан 20 чакырымдай алысыраактагы Абадан шаарында аскерий кампада жарылуу болгон. Бийликтер бул кампада салюттар сакталаарын, күндүн ысыганынан чыккан кырсыкта эч ким жабыркабаганын, элге зарыл болгон жардам көрсөтүлүп жатканын кабарлашты.