“Бүтүн Кыргызстан” партиясынын курултайы өтүүдө

Бүгүн Бишкектеги Абдылас Малдыбаев атындагы опера жана балет театрында “Бүтүн Кыргызстан” саясий партиясы курултайы өтүүдө. Ага жер-жерлерден келген 800 делегат катышууда. Курултайга партия төрагасы Адахан Мадумаров жетекчилик кылып, учурда он эки адамдан турган президиумдун курамы бекитилүүдө. Курултайдын ачылышында партия ишмердүүлүгү тууралуу баяндаган видеотасма көрсөтүлүп, андан соң Адахан Мадумаров сөз алды.

Курултайда “Бүтүн Кыргызстан” саясий партиясы атынан президенттик жарышка чыга турган талапкер аныкталат. Мурдараак партия президенттикке Адахан Мадумаровдун талапкерлигин көрсөтөөрү тууралуу бейрасмий айтылган. (EK)