БУУнун Айлана-чөйрө программасынын жаңы отчетунда Аму дайрасынын башындагы ири гидроэлектр долбоорлору, төмөн жагында айыл чарбасынын ирригациясы Ооганстан, Тажикстан, Түркмөнстан менен Өзбекстанга "табигый ресурстардын ири көйгөйүн" жаратып жаткандыгы айтылат. Документте суу боюндагы кендер, металлдын таштандылары, кара май, химиялык иш-аракеттер жана 26 метрге тартылган Арал деңизинин жээгинен абага көтөрүлгөн кургак туз адамдын саламаттыгына коркунуч келтирип жаткандыгы белгиленет.
