Оппозициячыл өкүлдөрдүн Истамбулдагы жыйынында исламчылар, либералдар жана көз карандысыздар кирген 25 мүчөлүү Улуттук Куткаруу кеңеши түзүлдү. 350 чакты делегаттын бир тобу Сириядан кыйла жыл мурда кеткендер болду. Истамбул конгрессинде көлөкө өкмөт түзүү маселеси ачык бойдон калды. Мындан аркы жыйындар оппозициячыл топтордун ортосундагы алаканы бекемдөөгө арналмакчы. Жума күнү президент Башар ал-Ассаддын аскерлери менен кагылыштарда баш калаа Дамаскиде аз дегенде 32 киши набыт кетти.
