Талиптердин лидери өлгөнү тууралуу кабарды кыймыл четке какты

"Талибандын" руханий лидери молдо Омар өлгөнү тууралуу кабарды кыймылдын расмий өкүлү четке какты. Забиулла Мужахид алардын телефонуна хакерлер чабуул коюп, ошол номурлардан натуура кабар таркатышканын билдирди. Бул үчүн ал “америкалык чалгынчыларды” айыптады жана өч алышаарын айтты.

Буга чейин Мужахид өзү колдонуп жүргөн номурдан жана дагы бир өкүлүнүн телефонунан “Руханий лидер Мухаммад Омар Мужахид көз жумду” деген СМС-билдирүү тараган болчу.