Кытай Ош шаарына 5 млн. доллар грант бөлөт

Бул тууралуу Ош, Жалал-Абад шаарларын калыбына келтирүү жана өнүктүрүү дирекциясынын басма сөз кызматынан кабарлашты. Маалыматка ылайык, аталган дирекция менен кытайлык “Курулуш корпорациясы” компаниясынын ортосунда кызматташтык тууралуу меморандумга кечээ кол коюлду. Ага ылайык, бөлүнгөн каражат Ош шаарында 12 кабаттуу үйдүн курулушуна жумшалат. Бул имараттын 1-2-кабатына кыргыз-кытай бизнес жана маданият борбору жайгашууга тийиш.

Имаратты кытайлык "Хубей Чжое" компаниясы куруп, анын ишин техникалык жактан мамлекеттик дирекция көзөмөлгө алат. (KKs)