Былтыр 10-апрелде Смоленскте кыйраган учакта Польшанын президенти баш болгон 96 киши каза тапкан. Окуяны иликтеген Польшанын өкмөттүк комиссия жетекчиси Роберт Бенедикт бүгүн атайын маалымат жыйынында Орусиянын аба каттамдарын жерден тейлөөчү кызматтын бузук жабдыктары жана байланыштагы мүчүлүштүктөр авиакырсыкка кошумча себеп болгон деп билдирди. Орусия жыл башында жарыялаган иликтөө жыйынтыгы Польшанын бийлик өкүлдөрүнүн жеке катачылыктары учактын кыйрашына алып келген деп басым жасаган.
