Каирда бүгүн Египеттин президенти 83 жаштагы Хосни Мубарактын соту башталары кабарланды. Мубарак коррупция жана быйыл февралда өлгөн жүздөгөн демонстранттар үчүн күнөөлүү деп эсептелүүдө. Массалык акциялардын негизинде ал февралда кызматынан чегинүүгө аргасыз болгон. Мубаракты сотко ал дарыланып жаткан Шарм-аш-Шейх курортунан учак менен алып келет деп күтүлүүдө. Демонстранттардын өлүмү үчүн Мубарактан тышкары мурдагы ИИМ Хабиб эль-Адли баштаган полициянын алты офицери айыпталууда.
