Бул тууралуу “Азаттыкка” аталган партиянын ардактуу төрагасы, бирок парламент депутаттыгына “Ар-намыс” партиясынан шайланган Турсунбай Бакир уулу билдирди. Анын айтымында, 6-августтагы курултайдын күн тартибинин негизги маселеси – партиянын президенттикке талапкерин аныктоо болот. Турсунбай Бакир уулунун айтымында, эгер талапкерлиги көрсөтүлсө, ал “ЭрК” партиясынын атынан президенттик шайлоого катышат. “ЭрК” – Кыргызстандын эң алгач катталган саясий партиясы. Партиянын түзүлгөнүнө быйыл 20 жыл толууда. (UE)
