Эртең зилзаладан жабыркаган Баткен жана Ош тургундарына 36 тонналык гуманитардык жардам берилет. Жогорку Кеңештин басма сөз кызматынан кабарлашкандай, азык-түлүк түрүндөгү бул жардам Кыргызстандын Жаштар саясаты, дене тарбия жана спорт комитети менен Human Appeal International эл аралык кайрымдуулук кору тарабынан көрсөтүлүп жатат. Анын алкагында 2500дөй үй-бүлө күнүмдүк турмушка керектүү азык-түлүк менен камсыз болушмакчы.
20-июлда очогу Баткен облусунда жайгашып, күчү 7-8 баллга жеткен жер титирөө болгон. Анын кесепетинен Баткен, Ош облустарында 800дөн ашык турак-жай кыйроо абалына келген. (KKs)
20-июлда очогу Баткен облусунда жайгашып, күчү 7-8 баллга жеткен жер титирөө болгон. Анын кесепетинен Баткен, Ош облустарында 800дөн ашык турак-жай кыйроо абалына келген. (KKs)
