Эл аралык валюта кору - МВФтин башчысы Кристин Лагард чыгымдарды кыскартуу дүйнөлүк экономикага зыян келтириши мүмкүн деп санайт. Лагард айым “Файненшл Таймс” гезитине бүгүн жарыяланган макалада “чыгымдарды кескин азайтуу экономиканын оңолушун саалгытып, жумушсуздукту көбөйтөт” деп эскертет. Лаград мындай комментарийди Кошмо Штаттар жана Европанын ири державаларына өкмөттүк карыздарын азайтуу талабы күчөп, дүйнө өлкөлөрүндө экономиканын өсүшү басаңдаганына тынчсыздануу ырбаган тушта жасады.
